നിൻ മുഖം വീണ്ടും
വന്നിതാ നിറയേ
ഉൾചിരാതിൽ നീ തൊടുമ്പോൾ
വെൺനിലാക്കാലം
പിന്നെയും തെളിയേ
പതിയെ ഇതാ തരുശാഖകൾ
ഹരിതാഭമായ് വിരിയേ
വരവായിതാ പുതുയാത്രയിൽ
തുണയോർമ്മകൾ അരികേ
എൻ മിഴിപ്പൂവിൽ കിനാവിൽ
നിൻ മുഖം വീണ്ടും
വന്നിതാ നിറയേ
പോയൊരാ പുലരികൾ
ഈ വഴി വരും
ആർദ്രമായ് മഴവിരൽ
നമ്മളെ തൊടും
എഴുതാൻ മറന്നൊരാ
അനുരാഗ ഗീതകം
ഒരു കാറ്റിതാ പാടി നിൻ കാതിൽ
പാതകൾ പലതിലായ്
നീങ്ങി ഞാനിതാ
സാന്ധ്യമാം കടലിതിൽ
സൂര്യനായ് സഖീ
അലിയുന്നു നിന്നിലെ
ഒരു തുള്ളി ജീവനായ്
അടരാതിനി ചേർന്നിതാ നമ്മൾ
എൻ മിഴിപ്പൂവിൽ കിനാവിൽ
നിൻ മുഖം വീണ്ടും വന്നിതാ നിറയേ
ഉൾചിരാതിൽ നീ തൊടുമ്പോൾ
വെൺനിലാക്കാലം പിന്നെയും തെളിയേ
പതിയെ ഇതാ തരുശാഖകൾ
ഹരിതാഭമായ് വിരിയേ
വരവായിതാ പുതുയാത്രയിൽ
തുണയോർമ്മകൾ അരികേ
LYRICS IN ENGLISH